Samkeppni um sjávarútvegsvef

Samkeppni sem sjávarútvegsráðuneytið og menntamálaráðuneytið stóðu fyrir meðal grunnskólanema um gerð sjávarútvegsvefs er nú lokið. Efnt var til keppninnar í tilefni af því að í mars sl. voru liðin 100 ár frá komu fyrsta íslenska togarans til heimahafnar. Verkefnið bar yfirskriftina Sjávarútvegur í fortíð, nútíð og framtíð. Alls bárust 9 vefir í keppnina. Skilafrestur var til 25. maí 2005.

Veitt verða þrenn verðlaun fyrir bestu vefina og hefur dómnefnd lokið afar erfiðu starfi.

Eftirtaldir skólar tóku þátt í keppninni og hægt er að skoða vefina með því að smella á viðkomandi skóla:

• Borgarhólsskóli, Húsavík
• Foldaskóli, Reykjavík
• Garðaskóli, Garðabæ
• Grandaskóli, Reykjavík
• Grundaskóli, Akranesi
• Grunnskóli Bolungarvíkur
• Grunnskólinn í Hólmavík  
• Kópavogsskóli, Kópavogi  
• Rimaskóli, Reykjavík 

Ráðuneytin þakka öllum nemendum og kennurum fyrir þátttökuna og óskar þeim til hamingju með einstaklega vel unnin verkefni. Það er von okkar að allir hafi haft gagn og gaman af og að vefirnir verði þróaðir áfram í framtíðinni og nýtist til fróðleiks og skemmtunar.