Verkefnasjóður sjávarútvegsins

VERKEFNASJÓÐUR SJÁVARÚTVEGSINS

Hlutverk

Verkefnasjóður sjávarútvegsins starfar samkvæmt lögum nr. 37 27. maí 1992, um sérstakt gjald vegna ólögmæts sjávarafla með síðari breytingum. Sjóðurinn er í vörslu sjávarútvegs- og landbúnaðarráðuneytisins og skal verja fé úr honum til rannsókna og nýsköpunar á sviði sjávarútvegs og til eftirlits með fiskveiðum.

Verkefnasjóður sjávarútvegsins starfar í tveimur deildum, almennri deild og deild um sjávarrannsóknir á samkeppnissviði. Sjávarútvegsráðherra skipar þrjá menn í stjórn hvorrar deildar.

Almenn deild veitir styrki til verkefna sem falla undir verkefnasvið og eru á vegum Hafrannsóknastofnunarinnar, fiskveiðieftirlits Fiskistofu, Veiðimálastofnunar, Matíss ohf og Rannsóknasjóðs um aukið verðmæti sjávarfangs (AVS-rannsóknasjóðs).

Deild um sjávarrannsóknir á samkeppnissviði veitir styrki til verkefna einstaklinga, fyrirtækja, rannsókna-, þróunar og háskólastofnana og er úthlutað til verkefna sem efla rannsóknar- og þróunarverkefni á lífríki sjávar umhverfis Íslands og efla til lengri tíma litið sjálfbæra nýtingu auðlinda hafsins og samkeppnishæfni sjávarútvegs. Auglýst er eftir umsóknum um styrki í fjölmiðlum. Styrkir eru veittir til eins árs í senn. Heimilt er að veita framhaldsstyrk á grundvelli nýrrar umsóknar, enda standist verkefnið kröfur um framvindu og gæði.

Sjávarútvegs- og landbúnaðarráðherra skipar þrjá menn í stjórn hvorrar deildar. Stjórn deildar um sjávarrannsóknir á samkeppnissviði skipa Jakob K. Kristjánsson sem er formaður stjórnar, Rannveig Björnsdóttir og Kristján G. Jóakimsson. Stjórn almennrar deildar skipa Arndís Ármann Steinþórsdóttir sem er formaður, Steinar Ingi Matthíasson og aðstoðarmaður ráðherra.

Stjórn samkeppnisdeildar Verkefnasjóðs sjávarútvegsins

Reglur um stjórn Verkefnasjóðs sjávarútvegsins og úthlutun úr sjóðnum

Leiðbeiningar um frágang umsókna til deildar Verkefnasjóðs um sjávarrannsóknir á samkeppnissviði

Auglýsing um styrki til rannsókna- og þróunarverkefna 2008

Auglýsing um styrki til rannsókna- og þróunarverkefna 2009

Veittir styrkir úr deild Verkefnasjóð um sjávarrannsóknir á samkeppnissviði 2007

Veittir styrkir úr deild Verkefnasjóð um sjávarrannsóknir á samkeppnissviði 2008